Hukumar Zabe Mai Zaman Kanta ta Kasa INEC ta mayar da martani kan hukuncin da wata babbar kotun tarayya da ke Abuja ta yanke game da hana hukumar dakatar da aikin rajistar masu zabe gabanin babban zaben shekarar 2023 dake tafe.
A ranar Litinin ne, Mai shari’a Mobolaji Olajuwon ya dakatar da hukumar zabe daga kawo karshen aikin rijistar katin zabe a ranar 30 ga watan Yuni. Alkalin ya bayar da umarnin ne a lokacin da yake yanke hukunci kan karar da kungiyar SERAP ta shigar a gabanta.
Kwamishinan Hukumar zabe kuma shugaban kwamitin yada labarai da wayar da kan masu kada kuri’a, Festus Okoye, A yayin wata hira da aka yi dashi a shirin siyasa na gidan Talabijin na Channels,Yaga baiken hukuncin da Kotun ta zartar Wanda yace hakan zai shafi aiyukan hukumar.
Ya kara da cewa hukuncin kotun ya saba da tsarin gudanar da rijistar katin zabe da hukumar ta shirya tun da farko.