Jam’iyyar APC mai mulkin kasa ta mika sunan Shugaban Majalisar Dattawa Sanata Lawan Ahmad ga Hukumar zabe ta kasa a matsayin Dan takarar ta na sanata mai wakiltar Yobe ta arewa a zabe mai zuwa.
Wannan mataki ne na zuwa ne sa’o’i kadan bayan da Bashir Machina, wanda ya lashe zaben fidda gwani na jam’iyyar APC a zaben, ya dage kan cewar ba zai janyewa shugaban majalisar dattawan takarar ba.
Lawan wanda ya sha kaye a yayin zaben fidda gwani na Dan takarar shugaban kasa a jam’iyyar APC a hannun Bola Ahmed Tinubu bai shiga zaben fidda gwani na sanata a mazabar Yobe ta Arewa ba.
Sai dai a nasa bangaren, Machina ya roki jam’iyyar APC da ta shigar da sunan sa, kuma bashi da wani zabi da ya rage masa illa ya nemi hakkinsa a gaban shari’a.