Dan wasan Super Eagles, Taiwo Awoniyi ya kasance cikin jerin sunayen ‘yan wasanda da aka zaba domin takarar gwarzon dan wasan Premier na watan Agustan bana.
Dan wasan na kungiyar kwallon kafa ta Nottigham Forest ya zira kwallaye uku a wasanni hudu da ya buga wa Forest, wanda ya kara nuna bajintarsa ta iya tamaula.
Sanarwar da aka fitar a jiya, ta baiyana cewar an zabi ‘yan wasa shida domin takarar kanbun gwarzon dan wasan na watan Augusta.
Dan wasa Awoniyi ya tsawaita yawan zura kwallo a raga tun daga kakar wasan da ta gabata zuwa wasanni bakwai a jere a gasar Premier, wanda shi ne dan wasan Afrika na uku da ya yi hakan.