Mai Alfarma Sarkin Musulmi kuma Shugaban Majalisar Koli kan Harkokin Addinin Musulunci ta kasa , Alhaji Sa’ad Abubakar na uku ya umarci al’ummar Musulmi da su sanya ido kan ganin jinjirin watan Zul-Hijja daga gobe Laraba.
Abubakar ya bayyana hakan ne ta cikin wata sanarwa mai dauke da sa hannun shugaban kwamitin bada shawara kan harkokin addini na majalisar Sarkin Musulmi, Farfesa Sambo Junaidu ya fitar yau a jhar ta sokoto.
Sarkin Musulmi ya kuma umurci al’umma dasu kai rahoton ganin jinjirin watan ga Hakimai ko Dagacin ƙauye mafi kusa don sadarwa ga Sarkin Musulmi.
Zul-hijja shi ne wata na 12 kuma na karshe a cikin kalandar Musulunci da ake gudanar da aikin hajji mai tsarki, da kuma yin layya.