'Yar takarar gwamna jam'iyyar APC a jihar Adamawa, Sanata Aishatu Ahmed, wacce aka fi sani da Binani, ta bukaci a sake bibiyar sakamakon zaben gwamnan jihar da aka gudanar a ranar 18 ga watan Maris a kananan hukumomi 16.
Hukumar zabe mai zaman kanta ta kasa INEC ta yyana zaben gwamna a jihar ta Adamawa amatsayin wanda bai kammalu ba, tare da shirin sake gudanar da zaben a rumfunan zabe 69.
Har yanzu ba a tsayar da ranar ba.
Gwamna Ahmadu Fintiri da dan takarar PDP da kuma Binani na fafatawa amatsayin na gaba a an sakamakon zaben.
Binani ta ce lauyoyinta sun rubutawa INEC wasika domin ta sake bibiyar sakamakon zaben cikin kwanaki bakwai.
Ta yi ikirarin cewa zaben ya gamu da tashe-tashen hankula da magudi da kuma matsalar Na’urar BVAS.