Wadansu mutane da suka harzuka Sun jefe wani mutum dan shekara 35 a duniya har lahira,bayan da suka zarge shi da halaka wasu mutane biyu tare kuma da jikkata wasu guda shida a Akure babban birnin jihar Ondo.
Rahotanni sun baiyana cewar mutanen sun harzuka ne bayan da suka zargi mutumin da yin tukin ganganci wanda hakan yayi sanadiyar afkawa wasu Babura ‘yan Acaba guda biyar dake dauke da fasinjoji a wurare daban daban.
Mutanen sun jefe mutumin har lahira sannan kumasuka bankawa motarsa wuta.
Shaidun gani da ido sun baiyana cewa mutane ukku ne suka mutu a nan take, a yayin da wasu da dama suka samu raunika,kamar yadda shima kakakin rundunar yansandan jihar SP Olufunmilayo Odunlami Omisanya ta tabbatar da faruwar abun alhinin.
Sai dai kuma ta baiyana cewar ba dan jami’an yansanda sunyi gaggawar kai dauki wajen da abun ya faru, Da mutanen da suka harzuka sai sun halaka hadda iyayen direban motar.