Kotun koli ta yi watsi da karar da dan takarar gwamna David Umbugadu na jam’iyyar PDP ya shigar kan nasarar gwamna Abdullahi Sule na jihar Nasarawa a zaben 2023.
Kwamitin alkalan a cikin hukuncin da suka yanke sun kori karar saboda rashin cancanta.
A ranar 2 ga Oktoba na 2023, kotun sauraron kararrakin zabe da ke Lafiya ta soke nasarar Gwamna Sule tare da bayyana David Ombugadu a matsayin wanda ya lashe zaben.
Gwamna Sule da jam’iyyar APC sun nemi soke hukuncin inda suka daukaka kara kan hukuncin da kotun ta yanke.
Kotun daukaka kara a hukuncin da ta yanke a ranar 23 ga watan Nuwamba, ta caccaki hukuncin kotun tare da tabbatar da zaben Sule a matsayin gwamna.