Mazauna birnin Enugu sun yi zanga-zangar nuna adawarsu da dokar zaman gida a duk ranar Litinin da haramtacciyar kungiyar ‘Yan aware ta IPOB ta saka
Mazauna birnin dake karkashin gamaiyyar kungiyoyin farar hula sun yin zanga-zangar lumana tare da yin kira ga jama’a da su rika fitowa wuraren kasuwancinsu na yau da kullum.
Jagoran masu zanga-zangar, Onyinye Mammah, Ya ce sun shirya gangamin ne sakamakon yadda dokar zaman gidan ke cigaba da illata masu kasuwancinsu da kuma tattalin arziki na yankin kudu maso gabashin kasar nan.
A wani bangaren kuma, Jami’an hukumar raya birane ta jihar Enugu sun rika rufe shagunan mutanen da suke kin bude shagunan su saboda yin biyayya ga dokar zaman gidan.