A yanzu haka dakataccen shugaban Hukumar yaki da masu yiwa tattalin arzikin kasa zagon kasa, Abdulrashid Bawa na tsare a hannun jami’an Hukumar tsaron farin kaya ta DSS.
Bawa ya isa shalkwatar hukumar tsaron ne da karfe 9 da miniti biyu na daren jiya, Kamar yadda mai magana da yawun hukumar DSS,Peter Afunanya ya tabbatar ta cikin wata sanarwa.
Sanarwar ta baiyana cewar gaiyatar da hukumar tsaron farin kaya ta DSS ta yiwa Abdulrashid Bawa nada nasaba da binciken da ake gudanarwa a kansa.
A jiya ne, Shugaban kasa,Ahmed Bola Tinubu ya dakatar da shugaban hukumar ta EFCC, bisa zarginsa da aikata wasu lefuka,wanda daukar matakin zai bada damar yi masa bincike.