Mashawarci na musamman ga shugaban kasa Muhammadu Buhari ta fuskar yada Labarai da kuma wayar da kai, Femi Adesina, Ya ce sai da ya shafe tsawon watanni takwas yana fama da rashin lafiya a shekarar 2017.
Adesina ya baiyana haka ne a yayin wata hira da aka yi dashi a gidan Talabijin na kasa.
A lokacin da yake karin haske dangane da manufofi da kuma akidu na gwamnatin shugaban kasa Muhammadu Buhari, Adesina ya ce shugaban kasar, sai da ya dauki tsawon watanni takwas yana ganin likita a kasar Burtaniya a shekarar 2017.
Sai dai ya ce duk da wannan kalubale da aka fuskanta, Shugaban kasar zai ajiye mulkin Najeriya cikin salama da kuma samun dimbin cigaba.
Mai magana da yawun shugaban kasar,Ya ce a lokacin da Buhari ya karbi mulkin kasar nan,Kananan hukumomi 17 ne suke a hannun mayakan tada kayar baya a shekarar 2015, Sai dai kuma a halin yanzu gwamnati ta samu gabala akan mayakan na tada kayar baya.