Gwamnan jihar Zamfara, Dauda Lawal, ya bayar da umurnin rage yawan ma’aikatu daga 28 zuwa 16 a ranar Alhamis.
Lawal ya ce an dauki matakin ne don sauya fasalin aikin gwamnati da nufin samar da Nagartar da ake bukata a jihar.
Gwamnan ya sanar da matakin ne a kafafen sada zumunta na zamani, inda ya ce ya yi dai-dai da manufarsa na samar da majalisar zartaswa mai aiki da zata rage tsadar tafiyar da mulki da samar da ribar dimokuradiyya.
