wata Kotun Kartakwana a karkashin Mai shari’a Malam Ibrahim Gwadabe ta bawa wasu kanfanoni biyar dake aiki a jihar nan wa’adin makwanni biyu dasu gaggauta biyan bashin kudin rijistar da gwamnati ke binsu, ko kuma a kulle su.
Kanfanoni Sun hada MTN sai Kanfanin Glo da Bankin Titan Trust sai kuma Bankin Aso Saving da Kanfanin fansho na Veritas da kuma kanfanin Maersk Shipping.
Bayanin hakan na kunshe cikin wata sanarwa da Jami’ar Yada Labarai ta Ma’aikatar Kasuwanci da Zuba jari ta jihar Kano, Sa’adatu Suleman wadda aka aikowa Arewa Radiyo.
Ta baiyana cewa kin biyan bashin ya sabawa dokokin yin rijistar kasuwanci na jihar Kano sashi na 8 da 9 na shekarar 2014.