Hukumar kula da ingancin Abinci da Magunguna ta kasa NAFDAC ta ja hankalin ‘yan Najeriya kan yin amfani da wani maganin Tari mai suna NATUR COLD.
Shugabar hukumar farfesa Mojisola Adeyeye ta baiyana cewar maganin tarin ya yi sanadin mutuwar kananan yara har guda shida a kasar Kamaru.
Ta baiyana cewar maganin tarin na NATUR COLD baya cikin magungunan data amince dasu, sannan kuma ta ja kunnen masu rarraba maganin da kuma samar dashi da su kuka da kansu.
Kazalika ta yi kira ga masu shigo da maganin da siyar da shi ga jama’a dasu gaggauta denawa.