Hukumar yaki da cin hanci da kuma karbar rashawa ta kasa ICPC, Ta bude baje kolin gwanjojin kayayyakin da aka kama a bana, wanda aka mallakawa gwamnatin taraiyya su.
Mai magana da yawun hukumar uwargida, Azuka Oguguwa ce ta baiyana haka ta cikin wata sanarwa da aka fitar a ranar Litinin a Abuja.
Ta Ambato shugaban hukumar, Farfesa Bolaji Owasanaye na alkawarin cewar za’a gudanar da aikin a faiyace batare da wata ‘kunbiya-‘kunbiya ba.
Daga nan sai ya yabawa masu sayen gwanjon kayayyakin saboda hadin kan da suke bawa hukumar, ya kuma sake basu tabbacin cewar za’a yi baje kolin a bude batare da wani ‘boye boye ba.