On Air Now

Off Air

Midnight - Noon

Kotu Ta Iza Dakataccen Babban Akanta Na Kasa Ahmed Idris Gidan Gyaran Hali

AHMED IDRIS

Babbar Kotun taraiyya dake zamanta a Abuja ta bada umarnin tsare dakataccen babban akanta na kasa, Ahmed Idris a gidan gyaran hali.

Daukar matakin ya biyo bayan gurfanar dashi da Hukumar EFCC tayi a  gaban kotu bisa zarginsa da karkatar da wasu makudan kudade wanda  yawansu ya kai naira  bilyan Dari da Tara da Milyan 400.

An gurfanar  dashi ne a gaban kotu  bisa tuhumarsa da aikata lefuka  14, wanda suka hada da  baki da kuma cin amana  da kuma yin wadaka da baitul malin gwamnati.

Mai shari’a  A O Adeyemi Ajayi ya bada umarni  tsare  ahmed Idris  da sauran mutanen da ake tuhuma a gidan gyran hali har zuwa ranar  larabar Makon Gobe, lokacin  da za’a saurari bukatar bada shi beli.

 

More from Labarai