Shugaban Kwamitin Kula da Lafiya na Majalisar Wakilai, Hon. Yusuf Tanko Sununu, ya goyi bayan shawarwarin da wata kungiya mai fafutikar ganin an samu raguwar cutar Siga a kasar nan ta bayar, na kara harajin da ake biya kan lemukan sha na zaki, zuwa naira 20 akan kowace lita daya a maimakon naira 10 da ake karba kan kowace lita.
Dokar Kudi ta 2021 ta amince das aka harajin Naira 10 akan kowace lita daya ta abubuwan sha masu zaki, da wadanda ba na barasa ba.
Sai dai kungiyar ta baiyana cewa kamata yi a kara da ake karba ta bangaren domin magance kalubalen kiwon lafiya da ake fuskanta ta hanyar amfani da abubuwa masu zaki da kuma ba da damar saka hannun jari a bangaren samar da kayayyakin kiwon lafiya a kasar nan.
Da yake jawabi a lokacin da kungiyar ta kai masa ziyara , Dan Majalisar ya baiyana cikakken goyon bayansa kan shawarar da suka bayar.