Mai horas da kungiyar kwallon kafa ta Paris Saint-Germain PSG Christophe Galtier ya tabbatar da ficewar Dan wasa Lionel Messi daga kungiyar, Inda ya yi fatan magoya bayan kungiyar za su yi masa bankwana na musamman wasansa na karshe da kungiyar zata buga a ranar Asabar.
Wasan da kungiyar zata yi da Clermont zai kawo karshen zaman Messi na tsawon shekaru biyu a kungiyar ta PSG.
Da alama dai babu rade-radin da ake yi na cewar dan wasa Messi zai koma tsohuwar kungiyarsa ta Barcelona.
Ana tsammanin tauraron dan wasan zai koma saudiyya da buga tamaula , inda zai bi sahun abokin hamaiyyarsa a kwallo Cristiano Ronaldo a kan yarjejeniyar miliyoyin daloli.