Wata bata kashi da aka yi tsakanin mayakan tada kayar baya da kuma ‘yan Sa kai a jihar Katsina, ta yi sanadin mutuwar mutane kimanin 41.
Mai magana da yawun rundunar yansandan jihar Gambo Isah ne ya tabbatar da haka ga manema labarai a ranar juma’a.
Ya ce Kungiyoyin ‘yan sa kan da suka fito daga wasu kauyuka goma sha daya a karamar hukumar Bakori sun tunkari ‘yan ta’adda da zummar su kwato dabbobinsu da suka sace masu.
Lamarin ya faru ne kwana daya bayan da ‘Yan ta’addar masu yawan gaske suka rika yin harbi bayan wani hari da suka kai gidan wani mai suna Alhaji Muntari dake unguwar Audu Gare a karamar hukumar ta Bakori, inda suka sace shanu hamsin tare da Tumaki Talatin.