Hukumar shirya jarabawar shiga manyan makarantu ta kasa JAMB zata sake baiwa wadanda suka gamu da kalubale na tangardar na’ura a lokacin rubuta jarabawar UTME a ranar Talata, damar sake rubuta jarabawar.
Mai magana da yawun hukumar, Febian Benjamin ne ya baiyana haka a Abuja jim kadan bayan wani taron gaggawa da jami’an hukumar suka gudanar, inda aka tattauna kan kalubalen da aka fuskanta game da rubuta jarabawar a rana ta farko.
Ya ce kimanin cibiyoyi 100 daga cikin 708 da aka rubuta jarabawar ne suka fuskanci kalubale na tangardar na’ura wanda ya hana mutane rubuta jarabawar.
A saboda haka y ace duk wanda yake da irin wannan matsala zai sake fitar da sabon Slip na rubuta jarabawar a yau,domin sanin lokacin da zai sake zama jarabawar da kuma wuri.