An kama wasu mutane 3 da ake zargi da buga kudin dala a jihar Zamfara inda suka kware wajen buga takardun kudi na bogi a jihar.
Rahotanni sunce jami’an hukumar tsaro mai bada kariya ga fararen hula ne suka kama wadanda suka aikata laifin.
Da yake holen wadanda ake zargin a ranar Laraba a Gusau, Kwamanda hukumar Muhammad Bello Muazu ya ce an kama wadanda ake zargin ne da laifin bugawa da kuma kashe takardun kudin bogi na Naira da Dalar Amurka a jihar ta Zamfara.
Kwamandan ya shawarci jama’a da su yi hattara da miyagun mutane domin idan aka kama su za’a gurfanar da su a gaban kotu.