Alamu na nuni da cewar shugaban kasa Bola Tinubu zai kirkiri wasu sabbin ma’aikatu daga cikin wadanda ake dasu,Kamar yadda shugaban ma’aikatansa Femi Gbajabiamila ya baiyana a daren jiya a Abuja.
Gbajabiamila ya ce shugaban kasar na son ya baiwa kowacce ma’aikata yancin gashin kanta .
A yanhaka dai an fara tura zagayen farko na sunayen mutanen da ake son nadawa kan matsayin ministoci a jiya ga zauren majalisar dattawa . Yayin da shugaban ma’aikatan fadar shugaban kasar, ya baiyana cewar za’a tura ragowar sunayen mutane 13 da za’a nada kan matsayin ministoci ga majalisar dattawan nan bada jimabawa ba.
Ya kuma baiyana cewar daga cikin sunayen babu wanda aka nuna ma’aikatar da zai yi aiki a cikinta, wanda manufar yin hakan shine baiwa majalisar damar yin nazari na tsanaki akan sunayen da aka tura mata.