Hukumar shirya jarabawar shiga manyan makarantu ta kasa JAMB, ta ce daga yanzu ya zama wajibi masu neman shiga jami’a kai tsaye su rika rubuta jarabawar UTME , tare da sauran wadanda suke zama domin rubuta jarabawar.
Hukumar ta ce sabon matakin wani yunkuri ne na tabbatar da cewar masu son shiga jami’ar kai tsaye, sun tabbatar da abunda suka karanta a matakin farko.
Bayanin hakan na kunshe ne cikin wata sanarwa da shugaban sashin hulda da jama’a na hukumar, Fabian Benjamin ya fitar a Abuja, jim kadan bayan kammala wani taron kolin hukumar.
Y ace an shirya taron ne domin yin duba kan yadda aka gudanar da rijistar masu son shiga jami’a kai tsaye a kwanan nan.
Ya kuma ce matakin zai magance matsalolin da ake samu kan batun samun gurbin shiga jami’a kai tsaye.