Yanzu haka Fasto Uche Aigbe na majami’ar House on the Rock dake Abuja, yana tsare a hannun rundunar ‘yan sandan birnin tarayya sa’o’i 24 bayan ya hau mumbari da bindigar AK47 a ranar Lahadi.
Wata majiya ta shaidawa Jaridar daily trust cewa faston ya isa ofishin ‘yan sanda na babban birnin tarayya Abuja a ranar Litinin tare da jami’an dan sanda, Musa Audu wanda ya karbo bindigar da ya hau kan mimbari da ita.
Majiyar ta ce an tsare faston da dan sandan aka tafi da shi gidansa domin bincike.
Da aka tuntubi kakakin rundunar ‘yan sanda a babban birnin tarayya Abuja, Josephine Adeh, tace ‘yan sandan na kan gudanar da bincike, inda ta yi alkawarin cewa nan gaba kadan za’a fitar da sanarwa.