Za’a fuskanci mamakon ruwan sama kamar da bakin kwarya a wasu jihohi 19 na arewaci kasar nan daga tsakanin watan Augusta zuwa Oktoban kamar yadda hukumar Kula da Yanayi ta kasa ta baiyana .
Hukumar ta baiyana cewa jihohin da za’a fuskanci mamakon ruwan sun hada da nan Kano sai Sokoto da Zamfara da katsina da Jigawa da Yobe sai Borno da Bauchi da Kebbi da Gombe da kuma kaduna da jihar Adamawa.
Shugaban hukumar Mansur Matazu ya fadawa manema Labarai a Abuja cewa, Na sane da irin mamakon ruwan sama da aka fuskanta kwanan-nan a wasu daga cikin jihohi, wanda hakan baya rasa nasaba da sauyin yanayi da aka samu, kamar yadda hukumar tayi hasashe a baya.
Ya kara da cewa Hukumar zata cigaba da yin hasashe kan yadda ruwan sama zai kasance a mabanbantan wurare dake kasar nan.