Kowane Lokaci daga yanzu cikin makon nan, Jami’an tsaro a jihar katsina zasu kaddamar da wani sumame na hadin gwiwa akan ‘yan ta’adda da suka addabi jihar.
Sumamen na hadin gwiwa zai kunshi jami’an ‘yansanda sai sojojin kasa dana sama da kuma jami’an tsaro na farin kaya, da dai sauransu.
Kazalika rahotanni sun baiyana cewar za’a yi aiki ne tare da jami’an sintiri da aka yiwa rijista, Kamar yadda mai magana da yawun rundunar ‘yansandan jihar ASP Aliyu Abubakar ya tabbatar da hakan.
A yan kwanakin nan dai, Yan ta’adda sun kara tsananta kai hare-hare a jihar ta Katsina, Musamman garuruwan dake kan iyakokin jihar da Zamfara da kuma Kaduna.